مش كتير عليه ده
كاتب جميل و مؤثر و قادر انه يربط و يوصف بشكل لذيذ جدا
و اللي تابع فيكم مقالته عن قرار المجمع الكنسي بفصل جورج حبيب بباوي تعرف قد ايه هو انسان صاحب موقف و مخ بيفكر و يحلل
اعتقد انه البابا لو قرا المقال ده مش هتقومله قومة
لاحظوا اسقاطه لفكرة الحق على البابا و الرئيس و امين لجنة السياسات و وزير الداخليةو كمان شيخ الازهر
و كأنه جمع كل حبايبنا الحلوين اللي لو اتصرفا زي البابا كده -ولو انهم بيتصرفوا بطرق تانية لنكون فعلا في دولة غاب
طب هتسالوا نفسكوا ازاي دولة غاب و فيه - زي ما قال البابا- قبضة الحق؟
و الاجابة ببساطة من الكلمة نفسها "قبضة"
القبضة اللي عيشتنا في الطوارئ 25 سنة
القبضه اللي هتحط قانون جديد للارهاب هيبقى قانون دايم مش استثنائي زي الطوارئ ما بالك الاستثنائي قعد 25 سنة امال اللي جاي هيقعد قد ايه؟
القبضة اللي معيشة البلد حالة غليان بسبب الاسعار
القبضة اللي مخليه المواطن العادي ماشي يكلم نفسه في الشارع
القبضة اللي حكمت على كريم عامر 4 سنين
القبضة اللي مستهدفة الاخوان و ده اقوى دليل على خوفها و عدم احكامها للي اسمها القبضة
كفاية كده
مجدي مهنا بجد كاتب متميز
ادعوكم انكم تقروا له
-
4 comments:
معلش يا دعاء بس أنا أول ماشفت الصورة معرفش ليه إفتكرت الصحفى اللامع الكبير و المستقل مجدى الجلاد . بس أنا بسرعة أدركت كم الخطأ الذى وقعت فيه . عموما تفتكرى إيه الفرق بين الإتنين ، هل إن الصحفى مجرد قلم بيكتب كويس و لا لازم يكون موقف على طول الخط
كنت عاوز اقول ليكى مبروك مش عارف ديه اشاعه ولا كلام مثل اى كلام على اى حال عرفت انك اصبحتى المسئوله عن المركز الاعلامى بالحزب لو هذا صحيح يبقى مبروك والمركز الاعلامى اتشرف بحضرتك واكيد سوف يتحول إلى مناره للاعلام فى حزب الغد واتمنى ان تكونى مثل ما عرفتك وتفضلى حتى نهايه علاقاتنا مثل ما عرفتك اول مره لانى من كثره معرفتى بالناس اعرف الناس بشكل وبعد كام شهر من المعرفه تصبح بشكل تانى خالص
أكيد متميز جدا الراجل ده
كل التحية والتقدير والاحترام للكاتب المخضرم مجدي مهنا ذلك الصحفي الشريف النظيف العفيف في زمن كثر فيه المنافقون والكذابون...
وإن هذا الرجل وأمثاله من الشرفاء هم بصيص الأمل لعودة الصحافة المصرية إلى سابق مجدها
Post a Comment