هو صديق بكل معنى الكلمة وقبل ده هو انسان برضه بكل ما تحمل الكلمة من معنى
بداية تعارفنا كان مجرد تليفون علشان نحضر لدورة تدريبية لشباب الاحزاب المصرية
و اللي ما كنتش متوقعاه ان الدورة دي اخرج منها بكم صداقات كبير في عددها و معناها
منهم شباب من الوفد و كفاية و الوطني و الديمقراطي تحت التاسيس و الاخوان المسلمين و انا كنت من الغد و اتنين تاني من زمايلنا و طبعا احمد ذكي عثمان
اتجمعنا تحت سقف واحد رغم اختلافاتنا الفردية لكن اللي كان بيربطنا هو الود و الحب و الالفة و التسامح
بجد وحشتوني
10 comments:
ألف مبرووووووك المدونة الجميلة دي
وبجد هتفضل حلوة بلدي مهما عملوا الكلاب
طبعا أنا سعدت جدا إني شاركت معكم في هذه الدورة وأشكر العزيز الرائع أحمد زكي لدعوتي للمحاضرة في تلك الدورة
تحياتي لك ولكل أسرة حزب الغد
والسلام أمانة لأروع إنسان في هذا البلد أيمن نور فك الله سجنه
مبروك المدونة يا فتاة الغد الاولي
بس للاسف عيبها الوحيد ان الحاج جرجس اول من علق فيها .
مبروك يا دعاء اما بقه كلامك عن الصورة كلام رقيق جدا بسيط جدا وطبعا انتي مكنش قصدك احمد زكي
وياريت تسلميلي سلام طويل عريض لفارس الغد ايمن نور
ريفورمر كان احد المحاضرين في الدورة الجميلة دي
و لسه على اتصال
انسان متعاون جدا بجد حد اقدر اقول اني كسبت صداقته
اما احمد كارلوس او مزعج افندي هو كمان حد جميل و فذ و عبقري زي ما بيحب يقول على نفسه
شكرا لتعليقاتكم
متتصوروش انا فرحان قد ايه بمدونة دعاء
ودعاء انا كتبت عنها مرة في تدوينه ليا كان اسمها " وعلي المقهي كان اللقاء " وساعتها قلت عنها ( .... والصحفيه الكبيرة دعاء الصحفية بجريده الجمهوري الدستوري الحر - والنبي يا شباب لو حد سمع عن حد شاف حد قال لحد انه مره اتحكاله عن حد شاف الجرنان ده مرة مع واحد ياريت يبلغني لانه واضح انه جرنان سري - ... )
وبصراحه مش لاقي كلام احلي من ده اقوله لدعاء يوم ما تفتح مدونتها
مبروووووووووووك المدونة دعاء
وأن شاء الله نشوف أبداعاتك
بداية حلوة للمدونة أن يكون فيها صورتنا إللي فعلا كانت من أجمل الصور
تحياتي لكِ
مبروك المدونة يا أجمل دعاء فى الدنيا ، أنا مش ممكن اتخيل إن نهاية عملى فى المركز تكون بالروعة دى ، دورة و فيها ناس فعلا حلوة جدا بالطريقة دى ،من الإخوان(المحظورة) و الوفد و الوطنى والواد البلطجى بتاع شباب من أجل التغيير+سارة و كمان الحزب الديموقراطى ، الناس فعلا كانت هايلة ، و أنا طلعت بصداقات أظن إنها هتستمر معايا لفترة طويلة قدام ، . أما إنتى يا دعاء فأنا أفتكر أول حوار لينا ، خصوصا مع قزقزة اللب . ربنا يوفقك كما و كمان و يوفق كل الناس اللى كانوا فى الدورة .
الله الوطن و كل المشاركين فى الدورة (ما عدا الواد البلطجى بتاع شباب من أجل التغيير)
مبروووووووك علي مدونتك يا دعاء
أنا فرحتلك جدا جدا واتمني تكوني بخير دايما ان شاء الله
وبجد انا مفتقدكم كلكم سواء اخوان أو وطني أو غيره كلنا كان بيجمعنا الحب والمودة...
الحق فوق القوة، والأمة فوق الحكومة
وسيجمعنا دائما هتاف
حب الوطن فرض عليا ،أفديه بروحي وعنيا
مبروك يا دعاء
مدونتك اول خبر كويس اسمعه بعد الكورس
هنستنى دايما اصداراتك فيها
ربنا يطمنا عليكى
انا مفتقداكم كلكم
هبة مصطفى0
يا ستى انا شفت اللنك وسمعت الخبر ع القهوة باجي متأخرة بس بوصل ف نفس اليوم
مبروك المدونة كان نفسي ادخل بدري شوية لكن لقيت سي جرجس متلقح من بدري
لاول مرة بتفق مع احمد عبد الفتاح هههههه
من الصديق والانسان؟ اوعي يكون قصدك احمد زكي صديكي الانتيم، دا بس لسه عشان انتي معرفتوش كويس بس اكيد هتغيري رأيك بعدين ههههه
طبعا بهزر من فرحتي ان احمد بيتكتب عنه ف المدونات وهي مش المرة الاولي
افضل انك تقرأي البوست اللى عن احمد زكي عندي
الف مبرررووووووك يا دودو
هنتقابل امتي؟
انا طبعا بهزر بخصوص جرجس احسن يصدق
انا بس بحب انكشه انا واحمد عبد الفتاح
Post a Comment